Tripura-a Bru Relief Camp pasariha tlawmngai pawl hrang hrang, khawtlang hruaitute leh sakhaw hruaitu intelkhawmin Mizoram Bru Displaced People Coordination Committee an din.

0
259
views

He pawl thar hi din a ni tih vawiin khan an pawl President, Pu Laldingliana chuan Kanchanpur-ah thuthar thehdarhtute a hrilh a, he pawl thar lo din chhuahna chhan chu MBDPF hruaitute, Central sorkar, Mizoram sorkar leh Tripura sorkar aiawhten July ni 3-a New Delhi-a inremna thuthlung an siamah hun rei tak a\ang tawha Bru mipuiten an lo phut tawh an ham\hatna tur thil tam tak an thlauhthlak vang niin an sawi a, an thilphutte chu Bru-te tan Area Development Council siamsak te, thlai chinna tur ram hectare 5 \heuh chhungtin tana pek te, model village dinsaka, chutah chuan in 500 aia tlem lo dah te, Central sorkar a\anga pawisa dawn tur awm zawng zawngte Mizorama an hruaikir hmaa pek te, Mizorama hruaikir an nih hma, Camp-a an la awm lo lai ngeia electoral roll ennawn sak leh, electoral roll-a hming chuang lote thun vek te, Mizoram sorkarin Mizoram mi a enfiahnaa la telh loh mi 1000 vel te hruaikir an nih hmaa enfiah leh vek te leh camp-a awm kum 21 chin chunglam thubuai nei zawng zawngte thubuai tihtawp sak te a ni. An thilphutte hi sorkar laipuiin a hriat theih nan Union Home Minister, Pu Rajnath Singh hnena memorandum thehluh ni se an ti a, an memorandum chu Union Home Minister hnena thawn turin Dasda BDO hnenah hlan ni se, hemi ni hian kawng zawhin mipuiin memorandum thehluttu an pawl hruaitute chu \awiawm se an ti a ni. Mizoram Bru Displaced People Coordination Committee hian Tripura Relief Camp a\anga Mizorama let tawh te \anpuina leh chhawmdawlna a inanga pe tura Bru Coordination Committee Pu Elvis Chorkya kaihhruaiin sorkar laipui a ngen chu thil tih awm loh nia an ngaih thu an tarlang a, heng mite hian an thil nawr chhuah an dawng ve zel dawn a nih chuan Tripura a\anga Mizorama pem Mizo chhungkaw 83 te pawh hetiang ham\hatna hi dawng ve awm nia an ngaih thu an sawi a ni. He pawl thar din puannaah hian an President, Pu Laldingliana chu Vice President, M. Vanlalhriata, General Secretary, Rokhuma leh hruaitu dangten an \awiawm a ni.

Hetihlai hian Mizoram Bru Returnees Peace Accord Implementing Demand Committee chuan kum 2005, April ni 26-a Mizoram sorkar leh BNLF te inremna siam chu kum 13 a liam hnuah pawh tihpuitlin a la ni lo nia sawiin, inremna thuthlung tihpuitlin nan he pawl thar hi an din niin an sawi a, an Chairman atan BNLF hruaitu hlui Surjyamani Reang an dah tih sawiin, an thilphutte chu Bru-te tan Special Development Project siamte, Tripura Bru Relief Camp a\anga Bru lo kir te khaw khata in 500 aia tlem lova dah te, an pawisa dawn tur \um khata pek te, Bru Relief Camp a\anga tun hmalama Mizorama lo let tawh te pawh \anpuina leh chhawmdawlna tuna pek turte nen a inanga pek tih a ni.