Tripura-ah motor 3 chesual, mi 37 hliam

0
395
views

Nimin khan BJP President, Amit Shah-a’n Tripura Assembly inthlan tur kaihhnawiha he state a tlawhnaa tel tuma Ambassa pana kal, motor pathum a chesual a, mi 37 an hliam a, damdawi ina an inenkawlna senso chu BJP-in an tumsak dawn a ni. State Party President, Biplab Kumar Deb-a sawi danin, hliamte inenkawlna senso hi an party-in a tum b^kah, state danga enkawl zui ngai an nih pawhin an buaipui zel dawn a, tualchhunga an party hruaitute chu hliamte dinhmun hi vil zui tura tih an ni. Police-te sawi danin, Dhalai district-a hmun pakhatah, BJP mite chuanna, Bolero Maxi truck chu kawnga kel pakhat sut palh hlaua a kualna lamah a chesual a, mi 22 an hliam a, an zinga 3 chu an nat deuh avangin Dhalai district hospital panpui an ni.

Khowai-ah pawh bus pakhat a chetsual avangin hmeichhe \henkhat telin mi 13 an hliam a, he bus-ah hian Ambassa-a Pu Amit Shah-a thusawi ngaithla tura kalte an chuang a, hliam zinga 7 chu an na deuh nia sawi a ni. Chetsualna dang leh chu vantlang inkhawma tel zo, haw lam, motor cycle-a inphurte leh BSF motor nena a insut avanga thleng a ni a, hliamte hi Dhalai district hospital-ah dah an ni.