Tripura Bru camp a\anga Mizorama hruaikir Bru chhungkaw 19, tuna Lunglei District chhung Dinthar khuaa awm mekte chu Tlabunga \halai intelkhawm, Tlabung Progressive Society-in tlawhin, an dinhmun an zirchiang a, heng mite nena an inkawmnaah Bru-te chuan tun dinhmunah harsatna engmah an tawh loh thu an sawi.

0
234
views

 

Tlabung a\anga Zonet thudawn danin, tun lai hian Mizoram Bru Indigenous Democratic Movement intiten social media-ah Mizorama Bru-te dinhmun a him tawk lo nia thu an thehdarh chu Tlabung Progressive Society hian an zirchiang a, Dinthar khuaa awm mek Bru-te chuan Mizorama an kir leh hnuah harsatna an tawh loh thu Tlabung Progressive Society hi an lo hrilh a, an tana harsatna thlen zawnga Mizo mipuiten buaina an siam ngai loh thu an sawi a ni.

Kumin September ni 23-a tuna an awmna hmuna hruai thlen Bru-te hian lui kama awm an nih avangin an mamawhna kawng hrang hranga hman tur lawngleng an mamawh thu Tlabung Progressive Society hi an lo hrilh a. Hemi tih loh an khawsaknaa harsatna dang an tawk lo niin an sawi a ni.