He hearing-ah hian Mamit Sub Hqrs. YMA hruaitute leh Zampuimanga Group YMA hruaitute chuan hmun danga an tih dan ang bawkin Electoral Roll-a inthun diltute chu kumtling, ram khua leh tui dik tak an ni em tih an enpui a ni. He hearing-ah hian Mizoram Bru Displaced People Forum hruaitute pawh an President, Pu A. Sawibunga hovin an tel a, MBDPF hruaitute sawi dan chuan Tripura Bru Relief Camp 6 a\anga Mizoram Electoral Roll-a inthun diltute hi 2,838 an ni a, heng mite dilna hi Kanhmuna Community Hall pahnihah Lunglei, Mamit leh Kolasib District-a Assembly bial 3 \heuh changtu AERO ten hearing neiin an ngaihtuahsak a, anmahni nihna leh dinhmun tichiang theitu tur lehkha te pawh ensak an ni. Hearing result hi tun dinhmunah hriattheih a la ni lova, Election Deptt. hotute sawi danin Electoral Roll hi inthlanna neih dawna chuh tumtute inhnuhdawh leh theihna ni hnuhnung ber thleng ennawna thunbelh ngai te thun belh zui theih a ni.
