Tripura Bru Relief Camp 6-a awmte Mizoramah let duh lo mahse, sorkar laipui a\anga \anpuina leh chhawmdawlna pekte chu October chawlhkar hmasa ber a\anga tihtawp vek a ni dawn tih sorkar laipuiin a sawi nawn

0
543
views

 

Hemi chungchang hi nimin khan Khatlaa Civil Secretariat Conference Hall-ah Union Home Ministry-a Joint Secretary, Pu Satyandra Garg kaihhruaiin sorkar officer te leh Bru hruaiten an sawihova, hetah hian Home Ministry-a Adviser (Bru) Pu Mahesh Kumar Singla bakah Mizoram Home Secretary, Pu Lalnunmawia Chuaungo, Mamit Bawrhsap, Kolasib leh Lunglei Bawrhsap aiawhte leh officer dangte bakah Mizoram Bru Displaced People Forum hruaitute leh Bru Coordination Committee hruaitute an tel a ni. Sorkar lam a\anga ZONET thudawn danin he meeting-ah hian Bru Relief Camp-a awm Mizoram mite an awmna tur hmun sorkarin a ruata let thuai turin hriattir an ni a, ruahmanna chi hrang hrang siamsak an nih dan te pawh hrilhfiah an ni a, MBDPF hruaitute erawh chuan tun hmalama an thil phut la tihpuitlin loh te sawi chhuakin tun dinhmuna Mizorama kir an tan a harsat thu an sawi a, Home Deptt. hotute erawh chuan tuna ruahmanna siam bakah leh an ham\hatna leh \anpuina tur siam bak chu thildang engmah sorkar laipuiin tihsak a tum loh thu an hrilh a ni.

Mizoram Principal Secretary Home changtu, Pu Lalnunmawia Chuaungo pawhin Tripura Bru Relief Camp-a Mizoram mi awmte chu Mizorama an lo haw hunah \anpuina leh chhawmdawlna an dawn theih tur chin bak pek theih an nih dawn loh thu te, Mizoram sorkar chuan anmahni chu en hrang lova Mizoram chhunga cheng midangte ang bawka enkawl an nih dawn thu a hrilh a ni.

Meeting-ah hian Bru Coordination Committee hnuaia Equal Package Demand Committee-in tun hmalama Mizorama lo let tawhten tun hnaia let te anga \anpuina leh ham\hatna inang an hmuh theih an duh thu an sawi chhuak a, hei hi chhangin Pu Satyandra Garg chuan tuna Bru laklet hna kal mek zawhfel hnuah ngaihtuah zui a nih dawn thu a sawi a ni.