Tripura Bru Relief Camp 6 a\anga Mizoram mi dik tak tun thla ni 25 a\anga Mizorama kir duh te enfiah hna chu Ningani atang khian Camp hrang hrangah tan a ni dawn.

0
407
views

 

He ruahmanna hi tun thla ni 10-a Monitoring Committee Damcherra-a Home Ministry-a Special Secretary, Internal Security changtu Pi Rina Mitra hova meeting siam a ni a, hei hi bawhzuiin Mamit Bawrhsap, Kolasib Bawrhsap leh Lunglei Bawrhsap te chuan Tripura Bru Relief Camp hrang hrangah Mizorama haw duh te enfiah leh chhinchhiah hna thawk turin Officer te an tir dawn a ni. Heng mite hian Mizorama haw duhte laklet \an hma, tun thla ni 25 hma-in an hna hi an zo fel vek ang a, chumi hnuah anmahni lakletna turin mihring phur chi bus leh an thawmhnaw phur chi truck leh motor laihawl 407 te camp hrang hrangah a tir ang a, Mizorama let duh te chu District hrang hranga an awmna tur khaw siamsakah \heuh an hruai dawn a ni. Puan tawh angin Mamit District huam chhunga let tur te chu an awmna tur khaw 46 ruahman sak an ni a, Kolasib District-a let tur te tan khaw 10 siamsak an ni a, Lunglei District-a let tur te khaw 4 siamsak a ni bawk. Mizorama let duhte chu tun hmalama an awmna District huam chhunga an awmna tur khaw ruahman sakah an chen lailawkna tur in siamsak a, an mamawh te pek an ni ang a, chumi hnuah in sakna tur sum chhungkaw tin tan Rs.1,50,000/- \heuh sorkarin a ruahmansak hmangin an chenna in tur anmahniin an sa dawn a ni. Zawhna chhangin Home Deptt. hotute chuan Bru Relief Camp a\anga Mizorama kir duhte hruai kir \an ni atana tun thla ni 14, naktuk lo ruahman tawh chu tun thla ni 10-a Damcherra-a Monitoring Committee Meeting neih chuan tun thla ni 25, karleh Inrinni a\anga \an turin a sawn hlaa, hei hi Mizoram sorkar leh Tripura sorkar te chuan an zawm dawn a ni. Hetihlai hian Bru te thilphut camp an chhuahsan hmaa tihpuitlin hmasak an duh, chhungkaw tin tan Ration Card leh Aadhar Card-te siamsak hmasa vek te leh thil dangte chu Tripura sorkar tihsak tura dah a ni.