He meeting kaihruaitu, Mizoram Principal Secretary Home Pu Lalnunmawia Chuaungo chuan sorkar laipui, MBDPF hotute, Mizoram sorkar leh Tripura sorkar aiawhten kumin July ni 3-a New Delhi-a ruahmann an lo siam tawh tihhlawhtlin nan Tripura Bru Relief Camp-a Mizoram mi awm te lak kir chu tun thla ni 14 a\anga \ana September ni 10-a zawhfel tum a ni tih sawiin, lak kirna tura ruahmanna siam te a sawifiah a, hetah hian Tripura sorkara Additional Secy., Relief & Rehabilitation changtu, Pu Darlawng, DIG Northern Range Pu Darlawng bawk leh North Tripura District Magistrate, Pu Raval Hamendra Kumar te heng mite tluang taka Mizorama laklet an nih theihna turin \anpui an ngaihna apiangah \anpui turin an inpeih tih Mizoram sorkar aiawhte an hrilh a ni. He meeting-ah hian sorkar laipui aiawhin Ministry of Home Affairs hnuaia Adviser Bru, Pu Mahesh Kumar Singla bakah Mamit Bawrhsap, Kolasib Bawrhsap leh Lunglei Bawrhsap aiawhte an tel a, Mizoram Bru Displaced People Forum leh Mizoram Bru Displaced People Coordination Committee hruaitute pawh an tel a, MBDPF leh MBDPCC aiawhte chuan tun thla ni 14 a\anga anmahni Mizorama laklet an nih hmaa an Aadhar Card leh Ration Card siam sak vek leh \anpuina an dawnna tur Bank Account hawn sak hmasak vek an phut a ni. Tripura Bru Relief Camp-a Mizoram mi awmte laklet dan tur chungchanga ruahmanna siam leh a bawhzui dan chungchang hi naktukah Damcherra-ah vek hian Monitoring Committee Meeting neih zui a ni ang a, hetah hian sorkar laipui aiawhin Ministry of Home Affairs-a Internal Security changtu, Mizoram sorkar aiawh, Tripura sorkar aiawh bakah Central YMA leh Bru Coordination Committee aiawhte an tel dawn a. He Committee hian MBDPF leh MBDPCC aiawhte thilphut neih thar leh te chu a ngaihtuah zui dawn nia thudawn a ni.
