He thutlukna hi kumin March ni 26-a New Delhi-a Bru-te chungchang ngaihtuahtu, joint monitoring group \hukhawmin an siam a ni a, hemi rual hian Tripura-a awm mek Bru-te Mizorama hruaikir tura hmalakna pawh Lok Sabha inthlan vuakvet zawh a\anga tharthawh leh tur niin, hei hi September ni 30 hmaa zawhfel hman tura tih a ni bawk. He joint monitoring group \hukhawm hi Sorkar laipui Home Ministry-a Special Secretary, Pu AP Maheswary-a’n a kaihruai a, hetah hian Mizoram Bru Displace People Forum hruaitute bakah Mizoram leh Tripura sorkar aiawhte an tel a ni.
Hemi chungchang Zonet zawhna chhangin Mizoram Bru Displace People Forum General Secretary, Pu Bruno Mesha chuan Ration leh \anpuina sum an dawng chhunzawm leh tur chu Bru mipuite an lawm hle tih a sawi a. A theihna ang angah sorkar hmalakna \awiawm zel an tum thu a sawi a ni.
