Tuikuk hruaikir tur chungchang hi nimin khan New Delhi-ah Union Home Affairs Ministry-a Special Secretary ( Internal Security) Dr. A.P. Maheswari kaihhruaiin Joint Monitoring Group-in an ngaihtuah a, meeting hmasa lama Tuikuk-te September thlaa hruaikir tum chu enfiah ngaite enfiah leh \ul dang avangin October ni 1 a\angin \an zawk ni se an ti a ni.
He \hutkhawmnaah hian Central YMA President, Pu Vanlalruata chuan, Mizo mipuiten Tripura Camp-a Tuikuk awm hruaikir chungchangah kum tam tak an lo ngaihchan tawh \hin thu leh Mizo mipui dawh theihnain a tlin loh mai a hlauhthawn thu sawiin, Mizorama tlawmngai pawlte leh Sorkar inbiakremna angin Tripura Camp-a Tuikuk awm te hi a tawp nan kumin chhung ngeia hruaikir a, a kir duh lote chu ngaihsak zui tawh lo ni se tih chu an ngaihdan a nih thu a sawi a. Union Home Affairs Ministry hotute pawhin tun \um bak chu Tuikuk hriaikir hna hi thawh an tum loh thu sawi nawnin, MBDPF hotute chu Mizorama kir hmasa ni turin a ngen a. Tripura-a Tuikuk awm te \anpuina pek \hin chu October ni 1 a\anga tihtawp a nih tawh tur thu an sawi nawn bawk.
He sawi honaah hian MHA Dy. Secy NE-II, Tripura Sorkar Principal Secretary, Mizoram Sorkar a\angin Home Secretary, Pu Lalbiakzama, OSD Home Pu David H. Lalthangliana, Central YMA President, Pu Vanlalruata, MBDPF Gen. Secy Bruno Msha, MBCC Chairman, Elvis Chorky bakah Tripura Tuikuk Camp-a awmte aiawh pahnih an tel a ni.
