Tripura leh Tamil Nadu-a milim tihchhiat na takin dem

0
529
views

Prime Minister Narendra Modi a’n Tripura leh Tamil Nadu-a milim langsar tak tak in tihchhiat sak tawnna thleng chu na takin a dem a, pawikhawihtute chu na taka hremna pek an nih tur thu a sawi. Home Minister Rajnat Singh pawh PM hian a be nghal a, Home Minister hian state sorkar pahnihte chu pawikhawiha chetna hmet mit turin a lo hriattir tawh a ni. Tripura ah hian CPIM kum 25 rorelna paihthla-a BJP rorelna din a nih hnuah Communist hruaitu Lenin-a lim pahnih chu tih chhiat a ni a, hetihrual hian Tamil hruaitu EV Ramasamy lim, Periyar tia sawi, Tamil Nadu ami pawh nasa taka tih hmelhem a ni bawk a, hetianga milim in nghaisak tawnna thleng chho ah hian BJP hruaitu Syama Prasad Mookerjee lim Kolkata a mi chuan tukin khan nasa taka tih hmelhem a tawk zui ve leh a ni. Hetianga milim intih chhiat sak tawnna thleng avang hian Parliament in hnih rorel inkhawm pawh a buai phah a, chawhma lam khan rorel tihtawp lailawk a ni.

Milim in tih chhiat sak tawn bul tanna, Tripura-a Lenin-a lim hi Thawhtanni khan bulldozer hmanga nawr thluk a ni a, Lenin-a lim hi feet 11 a sang a ni. He milim tih chhiat tak hi Agartala Municipal Council kutah dah a ni dawn tih thuneitute chuan an sawi a, he milim hi kum 2015-a siam a ni.