He Bill duhloh entirnaah hian hel pawl ni Tripura United Indigenous People’s Council mi 48 an tel a ni. Tripura Royal Scion, Pradyot Kishore Manikya chuan mipui pungkhawm 15,000 hmaah thu sawiin Tripura pumpui chuan he bill hi an duhloh thu leh state mipuite \hen hrang theih a nih thu a sawi a, he Bill duhlohna lantirna hi banner emaw flag emaw tel lo, politics nena inhnamhnawih lova mipui zawng zawng inthuruala do tur a ni tih a sawi bawk. Mipui pungkhawm chuan PM Narendra Modi lim chu pheikhawk \hi anga siamin an awrhtir a ni.
Puan tawh angin tun thla tir khan Tripura-a tribal pawl te chuan darkar 12 chhung bandh an lo huaihawt tawh bawk a, police-te innawrnaah \halai 6 kahhlum an nih hnuah BJP thawhpui Indigenous Nationalist Party of Tripura te pawhin CM Biplab Kumar Deb-a chu bang tur an lo ti tawh a ni.
