Trump-a’n India-a Harley Davidson motorcycle lak luhna-a chhiah sang sawisel

0
354
views

US President Donald Trump chuan India in Harley Davidson Motorcycle a chawk luhna-a chhiah a la sang lutuk chu sawiselin, US in India atanga motorcycle a lakluhah te chhiah sang zawk lak ve-ah a vau. Congress member te nen steel industry chungchang an sawihonaah Trump-a hian tunhnaia India in harley davidson motor cycle lak luhna atanga chhiah a lak, zaa 75 atanga zaa 50-a a tihniam chu a tawk lo a ni a ti a, US in India atanga motorcycle tam tak a lakluhnaah chhiah a la lo a, hetiang a nih chuan India lak ang hu tawka chhiah lak ve a tul dawn a ni a ti. Tunhnaia India Prime Minister Narendra Modi nena an inkawmna chungchang pawh Trump-a hian a sawilang a ni.