US President, Donald Trump-a’n Palestinian Authority \anpuina tur sum chu p>k tawh lohah a vau a, Middle East-a muanna a zawnna chuan awmzia a nei tawh lo nia sawiin, Palestinian hovin Israel nena boruak \ha leh muanna zawnga inbiak an tum tawh lo nia a lan avangin, America-in Palestinian Authority hnena pawisa a p>k zel chhan tur a awm tawh lo niin a sawi. Trump-a chuan, America sorkarin Palestinian ho hi dollar mtd. za tam tak a pe reng chungin, America zah derna emaw, a chunga lawmna emaw an nei chuang lo a, muanna zawn kawngah pawh \hahnem an ngai chuang lo niin a sawi a, Pakistan pawh hetiang deuh bawk hi nia sawiin, ram dangte pawh, \anpuina chauh duh, insiam \hat tum lo an awm nual niin a sawi. Puan tawh angin, Trump-a hian Israel khawpui atana Jerusalem a pawm thu a puan avangin Palestinian ho leh Middle East-a Muslim ram dangte an lungawi lo nasa hle a, Palestinian ho hian Israel nena muanna zawnna tihtawp a nih thu puang chiah lo mah se, an hruaitu, Mahmoud Abbas-a chuan, America thupuan hian Middle East-a muanna zawnna kawnga Trump-a dinhmun chu a tikhawlo zo vek niin a sawi a ni. Trump-a hi Palestinian lam chuan Israel nena an inkara thu lian ber, Jerusalem chungchangah Israel lam\ang nghet tlatah an ngai tawh a, remna palai atan pawh America chu a hmantlak tawh loh ni hialin an sawi a ni. Sorkar kum kal mekah hian US hian Palestinian ho hi dollar mtd. 220 chuang p>k a tum a, a p>k tawh chinah pawh he sum hi a hman danin duhthu a sam lo niin a sawi. UN-a US sorkar palai, Nikki Haley pawhin remna zawnga inbiak theih a nih hma chuan, President Trump-a hian Palestinian ho \anpui zel hi a duh tawh lo niin a sawi a, Trump hian Palestine bakah, Pakistan pawh na taka sawiselin, a thlawnin \anpuina sum an pe mai mai niin a sawi a ni.
———
Trump-a thusawi hi Pakistan chuan a pha nasa hle a, PM, Shahid Khaqan Abbasi chuan vawiin khan US nena an inkar a \ha chho zel nia an hriat laia hetianga thil a thleng ta mai chuan a tilunghnur hle nia a ngaih thu leh, mi firfiakte hum \hina puh an ni chu ngaih thiam harsa a tih thu a sawi a ni. Pakistan Foreign Minister hlui, Khurshid Mahmud Kasuri chuan Trump hian a thusawi tur a ngaihtuah chiang hmasa \hin lo nia a hriat thu leh, ram pahnih inkara hetianga thil tih hi dik lo hle-a a hriat thu a sawi a, sipai hotu hlui, Amjad Shoaib pawhin an sipaite dinhmun hlauhawm tak taka an dah \hin thu te leh mi firfiakte bei tura nasa taka an beih \hin thu te, Haqqani leh Al-Qaida mi firfiak pawlte laka beihpui an lo thlak tawhte chu US hian a hai der nia a hriat thute a sawi bawk.
