Tuialhthei man sorkar laipuiin a tihniam chu a tlai lutuk tiin BJP thlawptu, Shiv Sena chuan a sawisel a, pawisa tam tham tak a la lut hman niin a sawi bawk.

0
374
views

 

Shiv Sena chanchinbu Saamana Editorial chuan sorkar laipui bakah Maharashtra CM Devendra Fadnavis pawh state mipuite tana Dr. Ambedkar-a hming chawia state dahkham pawh a hnial lo nia a sawi vangin na takin a sawisel bawk a ni. Puan tawh angin ningani khan sorkar laipui chuan petrol leh diesel man litre khatah cheng 2.50 in a tihniam a, hemi hnu lawkah hian petrol man san berna, Maharashtra leh state dang 10 vel chuan chhiah an tihniam ve leh a, Maharashtra-ah chuan petrol man hi litre cheng 4.37 in vawiin khan tihhniam a ni.