Tuichang bial chhung Sialhawk-a ZPM Campaign Office chu he biala ZPM Candidate, Pu W. Chhuanawma’n vawiin khan a hawng.

0
323
views

A hawnna inkhawmah thusawiin, Pu W. Chhuanawma chuan, Mizoram hmun hrang hranga kuthnathawktu mirethei zawkte an lo dinchhuah a, kuthnathawktute’n an thawhrim rah an hmuh theih nana hmala tura ke pen turin ZPM chu din a ni tih a sawi a, he bialah hian thlan tlin a nih chuan reitheihna leh harsatna sukiang tura theihtawp chhuaha hmalak a tum thu a sawi.

He inkhawmah hian Tuichang North Block ZPM Steering Committee Chairman, Pu FK Lalsangluaia leh Tuichang South Block ZPM Steering Committee Chairman, Pu C. Lalvulmawia pawhin thu an sawi a. Sialhawk ZPM Local Steering Committee Secretary, Pu. C. Vanlalvuana’n an pawl hmalakna hrang hrang a sawi bawk.