Pu Vanlalhmuaka chuan, Mizoramah BJP a \hang hle a, hemi avang hian party dangte beih ber an ni ta niin a sawi a, Central lama an hotuten hmeichhiate an ngaihpawimawh ang bawkin Mizoramah pawh ngaihpawimawh an nih thu sawiin a ti chiang turin Tuichang bialah pawh hmeichhe Candidate, Pi Lalduhpuii an dah niin a sawi. Pu Vanlalhmuaka chuan, Khawzawl District nauchhiat ang chauha piang chu kumin inthlanpuia thuneihna an chan chuan Congress-in thla kima piang an tih ang ni lovin an tipuitling dawn nia sawiin hemi chungchang hi Central-a an hotute pawh an sawipui tawh niin a sawi. Pu Vanlalhmuaka chuan, Mizoram chu tihchhiat leh tur awm tawh lo khawpin sorkar awm tawhten an sawp chhia nia sawiin, hemi avang hian mipuiten anmahniah beisei tur dang an nei tawh lo niin sawi a, hemi avang hian hmasawnna hmanga ram kaihruaitu leh State hrang hranga hmasawnna thlen mektu BJP chu Mizoramah pawh sorkar tir a ngai nia sawiin Tuichang biala BJP Candidate Pi Lalduhpuii chu vote \heuh turin Tuichang bial mipuite a sawm bawk.
