A lawmna inkhawma khuallian Cooperation Minister, Pi Vanlalawmpuii Chawngthu chuan thusawiin, zirlaite chu tum bik neia hlawhtling tura taima taka lehkha zir turin a fuih a, Biate chu mipuite lungrualna khua, zirna lam leh hmasawnna ngai pawimawh leh faina lama inelnaah pawh Mizoram pum huapa pakhatna tling phak a ni tih a tarlang a, Biate Eastern High School a\anga zir chhuak zingah officer lian leh ram rorelna lama mi pawimawh \hahnem tak an awm tih a tarlang bawk a ni. Khuallian hian Govt. Eastern High School Diamond Jubilee hriatrengna thuziak a hawng bawk a ni. He inkhawm hi Govt. Eastern High School Headmistress Pi Lalhmingliani’n a kaihruai a, hetah hian VC, tlawmngai pawl hrang hrang leh mipui \hahnem tak an tel a, tlaiah a lawmna ruai an kilho a ni.
