Tuichawng bialtu Congress MLA, Minister hlui nibawk Dr. BD Chakma in Assembly Speaker Pu Hiphei hnenah MLA a\anga banna a thehlut a, MPCC President hnenah party a\anga banna a thehlut nghal bawk.

0
307
views

 

Dr. BD Chakma hian BJP a zawm dawn a, Banna a thehluh zawha thuthar lakhawmtute zawhna chhangin Dr. BD Chakma chua Congress party-ah a lungawi lo hle tih a sawi a, Chakma Congress-ah inlungrual lohna a awm avangin hrem ngaite hrem turin party President hnenah \um engemawzat a thlen tih a sawi a, hmalakna a awm loh avangin Congress party chu a chhuahsan tih a sawi.

(byte.)

Vawiin tlaia Hotel Regency-a thuthar lakhawmtute a kawmnaah Dr. BD Chakma hian BJP a zawm tur thu leh naktuk-ah lawmluh a nih tur thu a puang a. A bial ngaiah BJP ticket-a a din tur thu sawiin, MDC \henkhat leh CADC huamchhunga Congress hruaitu \hahnem takin an zui dawn niin a sawi.

Dr. BD Chakma hi kum 2013 khan Congress ticket-in Tuichawng bialah thlan tlin a ni a, Minister of State a nihna a\angin a lo bang tawh a ni.