Tuikum biala Congress Block hrang hrangin vawiin khan Chhingchhip mualpuiah Block Extended meeting an nei a, Mizoram Assembly inthlanpui neih huna an party-in hnehna an chan ngei theih nana hmalak dan tur an sawi ho.

0
371
views

He inhmuhkhawmna hmanpuitu, he biala Congress Official candidate nibawk, Pu Sangzela Tlau chuan, Pu Lal Thanhawla kaihhruai Congress Sokar hnuaiah Mizoram mipuite an thla a muang nia sawiin, hemi avang hian Congress Party chuan kumina Assembly inthlanpui neih hunah pawh hnehna an chang leh ngei dawn niin a sawi.

Rajya Sabha member, Pu Ronald Sapa Tlau pawhin thusawiin, bial tam tak a fankualna a\angin Congress Party chu sorkar leh turin an dinhmun a \ha hle niin a sawi a. An Party-in hnehna an chang a nih chuan Falkawna State Referal Hospital chu tih changtlun zel a ni dawn tih sawiin, he damdawi in tlawhchhana Medical College din pawh thuam \hat zel a ni dawn tih a sawi a ni.