Tuikum Constituency-a Congress Candidate, Pu Sangzela Tlau in vawiin khan Chhiahtlang Community Hall-ah campaign a hawng a, hemi rual hian an party hnathawktute tan Political Training a neihpui nghal a ni.

0
740
views

 

Campaign hawnna inkhawmah hian Rajya Sabha Member, Pu Ronald Sapa Tlau chuan thusawiin MNF party chu Mizoram hmasawnna daltu niin a sawi a, an sorkar laia sum hman dan dik loh vangin Falkawn Referral Hospital leh kawlphetha megawatt 60 pe chhuak thei tur Tuirial Hydel Project te chu an tichhe vek niin a sawi a ni. Thusawitu dang, Agriculture Minister, Pu KS Thanga chuan Tuikum biala ding tur an candidate chu an party nomination committee-in ngun taka a ngaihtuah hnua \ha tawk nia a hriat a thlanchhuah a ni tih a sawi a, bial hrang hrang a fankualnaah |awi bialah an party dinhmun tichhe thei khawpa an party chhuahsan an awm lo tih te, Tuichang bialah an party boruak a la \ha reng nia a hriat thu te sawiin Pu R. Lalzirliana’n NLUP tawp mai tura a sawi chu thudik lo niin a sawi a ni. Campaign hawnna inkhawm neih hmaa Pu Sangzela Tlauvin Chhiahtlang a luh dawnin an party miten Chhiahtlang daiah an lo hmuak a, hemi hnu hian Chhiahtlang khua an fan pui leh a, chumi hnuah campaign hawnna inkhawm neih zui a ni. He inkhawm hi Chhiahtlang Block I Joint Secretary, Pu F. Lalrinnunga’n a kaihruai a ni.