Tuirial bial a\anga Congress ticket-a thlantlin Pu Hmingdailova Khiangte chu vawiin khan Congress party a\angin a bang a, MLA a nihna a\anga a banna pawh vawiin chawhnu khan Assembly Speaker, Pu Hiphei hnenah a thehlut.

ZONET zawhna chhangin Pu Hmingdailova Khiangte chuan Congress party a\anga a banna chu an awmna, Chaltlang Lily Veng Unit hruaitute kutah a thehlut tih a sawi a, kumina inthlanna neih turah hian kum 2013-a a dinna Tuirial bialah independent-in a ding dawn tih a sawi bawk. Assembly Secretariat a\anga thudawn danin Pu Hmingdailova Khiangte banna hi vawiin vek khan Assembly Speaker, Pu Hiphei chuan a pawm a, hemi chungchangah hian hriattirna pawh Assembly chuan a chhuah nghal a ni. Tuirial bialah hian Congress party chuan Pu Joseph L Ralte chu Official Candidate atan an lo puang tawh a ni.