An Party thuchhuah tarlan danin, Pu Hmingdailova Khiangte hian a awmna Congress Party chhuahsanin October ni 31 khan NPP hi a zawm a, Congress Party Ticket a chan tak loh avangin a bial mipuiten ding nawn leh turin nasa taka an koh bawk si avangin NPP zawmin, an Party Ticket-in he bialah hian a ding dawn ta a ni. Zonet zawhna chhangin Pu Hmingdailova Khiangte chuan, a bial mipui zingah Congress Party Ticket a chan loh avanga lainattu leh duhsaktu \hahnem tak a nei tih sawiin, beiseina sang tak nen NPP hi a zawm ta niin a sawi a, Pathian leh a bial mipuite zarah tlin ngei pawh a inbeisei tih a sawi. Pu Hmingdailova Khiangte hian kum 2008 Assembly inthlanah khan Turial bialtu MLA nilai, Pu Sailothanga Sailo a hneh a, kum 2013-ah he bialah hian thlan nawn leh niin, MLA a nih chhung hian Mizoram Youth Commission Chairman leh Parliamentary Secretary te pawh a lo ni tawh a ni.
NPP National Observer, Pu S. Ghatraj chuan, Pu Hmingdailova Khiangte-in an Party a zawm chu an lawm hle tih a sawi a, Tuirial bialah hian Congress ticket a chan tak loh avang leh a bial mipuiten an la duh bawk si avangin NPP Ticket-a ding tura an ngenna a pawm chu an party tan malsawmna a ni tih sawiin, tribal-te ham\hatna ngaihtuahtu party a zawm chu an lawm hle tih a sawi.
