Tuirial Hydro Electric Project PM-in hawng dawn

0
653
views

Kolasib District-a Tuirial Hydro Electric Project, kawlphetha megawatt 60 pe chhuak thei tura siam chu tun thla ni 16, kar leh Inrinni-ah PM, Pu Narendra Modi-an a hawng dawn. PM-in Mizoram a rawn tlawh tur programme hi nimin khan tihchian niin sorkar lam a\anga thu dawn a ni a, nimin vek khan inbuatsaih dan tur chungchangah Chief Secretary, Pu Lalmalsawma hovin mi pawimawhte an \hu khawm nghal a, Inrinni khian PM hian Lengpui \umhmun a\angin |huampui Helipad a pan ang a, chuta \ang chuan Lammual pan lehin Lammuala vantlang inkhawmah thu a sawi ang a, Lammuala inkhawmah he Hydel Project hi a hawng dawn a ni. A hawnna inkhawm zawh fel hnuah Aizawl chhuahsanin Meghalaya lam a pan leh ang.

Kawlphetha megawatt 60 pe chhuak thei tur Tuirial Hydel Project-a kawlphetha siam chhuahna khawl pahnih chu en chhin a lo ni tawh a, unit khatna, megawatt 30 pe chhuak thei tur chuan tun hma deuh a\ang khan a kawlphetha siam chhuah Bawktlanga 132 KV Sub Station-ah chhunglutin Mizoram mipuite hman turin a lo pe lut tawh \hin a ni. Puan tawh \hin angin Tuirial Hydel Project kawlphetha siam chhuah megawatt 60 zinga za zela 12 chu Mizoramin a thlawnin a dawng dawn a, hei hi megawatt 7.2 vel a tling a, a bak zawng pawh Central Electricity Regulatory Commission-in a leina rate tur a bithliah angin Mizoram sorkarin a lei dawn a ni. Power Deptt. hotute hnen a\anga thu dawn danin, he Hydel Project hi hawn a nih hun chuan Mizoram kawlphetha mamawh thui tak phuhruk theih a ni tawh dawn a ni.