He inkhawm Sakawrdai khelmuala neihah hian Pu Lalchhandama Ralte chuan, tun hmaa ngaihsak hlawh lo, Hmar khawthim zangkhawbungbut hnan tia sawi \hin Hmar tlangdungah hmasawnna tam zawk a awm ve theih nan kawtchhuah thar siam tum a ni tih a sawi a. Hmar tlangdung a\anga Manipur lam kal pawhna tur leh Assam lam kalpawhna tur buaipui tum a ni tih a sawi. School Education Minister chuan, zirna lamah hnathawh tur a tam hle tih sawiin, sorkar tharin zirna leh hriselna lam a ngaihpawimawh dawn tih sawiin, Sakawrdaiah High School thar hawn tum a nih thute leh Helicopter service a awm theih nan Helipad siam tum a nih thu a sawi bawk.
Sakawrdaia Pu Lalchhandama Ralte lawmna inkhawm neih a nih hma nimin zing khan Ratu-ah pawh bialtu MLA lawmna neih a ni a. Amah lo hmuaktu Ratu khawtlang mipuite leh zirlaite hmaah thusawiin, zirna lamah hmar tlangdung chuan hmasawnna rahbi thar an dawng dawn tih sawiin, a bial mipuite chu an tlangdung hmasawnna tura hmalakpuiah a sawm a ni.
Tuivawl bialtu MLA, Pu Lalchhandama Ralte hian vawiin khan Sailutar a tlawh a, an khawtlang hruaitu, tlawmngai pawl leh sorkar hnathawkte nen inkawmin hmasawnna hna chak zawka kalpui dan tur a sawipui a ni. School Education Minister, Pu Lalchhandama Ralte-in a bial chhung khaw hrang hrang a fannah hian Aizawl North III bialtu MLA, Pu C. Lalmuanpuia leh an party hotuten an \awimawm a ni.
