Tukin dar 1:15 vel khan Govt Complex-a Pi Malsawmdangzeli in Assam type chu a chim a, vanneihthlak takin thi an awm lo.

0
255
views

 

Govt. Complex Local Council hotute hnen a\anga ZONET thudawn danin tun hnaia ruah bawhawk surin indinna lei hi a ti nem a, a bula lungrem innghahna lei che leh chuan in hi a ti chim ta a ni. In luahtu chhungkaw 2 te chu in hian a chimpui a, in chung zawk luahtu Pu James Vanlalthar leh inhnuai luahtu Pi Lalhmuzuali te an hliam a, Aizawl Civil Hospital panpui nghal an ni a, First Aid pek an nih hnuah in lama inenkawl zui tura chhuah tir leh nghal an ni.

Vawiin khan khawtlangin hnatlangin in chim ta leh bungrua te an senghawi a, Disaster management Authority lamte pawhin in chimna hmun hi an tlawh a, Bialtu MLA Pu K Sang\huama’n \anpuina cheng 3000 leh silpaulin a pek bakah ward Councillor Pu R Lalbiakthanga hnatlangte ei leh in tur a pe bawk.