Tun hnaia Mizoram sorkar Councils of Minister \hukhawmin Mizorama Medical College hmasa ber, MIMER hming Zoram Medical College tia thlak a remti chu rem leh rem lova Chief Minister, Pu Zoramthanga hming chawi tir tumna niin Congress \halaiin an sawi.

0
476
views


MPYCC chuan, MNF kaihhruai Sorkar Cabinet meeting hmasa berah damlaite hming chawia thil hming dah loh an rel tawh chunga MNF kutchhuak ni miah lo Congress Sorkar bul tan leh kutkawih MIMER hming rem leh rem lova Pu Zoramthanga hming chawi tir tuma Zoram Medical College(ZMC) tia a hming thlak remtih a ni chu an dem thu sawiin, hei hian MNF ten thuneihna pumhmawm an chakzia leh principle nghet an neih lohzia a tichiang hleah Congress \halai chuan an ngai tih an sawi.

MNF Party-in thla 4 vel chauh thuneihna an la chelh chunga an chet dan buan buan chu an inchhuih thlu mai ang tih an hlauh pui hle tih sawiin, Congres \halai chuan, sorkar hmasain dan hmanga Contract an pek, an thawh mek leh thawh tur tam tak dan palzuta tihtawp sak an ni te, a thawk mek te bill lak kawnga harsatna siam tuma hmanhlelah puhin, sorkar hmasain dan ang thlapa sorkar hna a lak \hin pawh Party mi uchuak taka induhsak nan leh party-a insawhngheh nan hman tumin, dan an palzut \an nia sawiin, sorkar hmasaa dik leh fair taka sorkar hnalak ang pawh beisei theih a ni ta lo niin an sawi.