Tun hnaia ruah sur vang khan Khawthlangtuipui chim chin a san belh avangin lui kana kal tur lirthei thiartu marboat chu chawlhkar hnih chhung a ding tawh a, hemi vang hian Tuipuirala khaw hrang hrangah ni 14 chhung lirthei a lut thei tawh lo.

Tlabunga Zonet Reporter hnen a\anga thudawn danin Khawthlangtuipuiah hian inkalpawhna tur lei engmah dawh a la nih loh avangin tuipui k^n tur lirtheite chu marboat hmanga kaipui \hin a ni a, tun hnaia ruahsur avang khan tui a tam a, hemi vang hian marboat pahnih awmte chu hman theih lovin kar hnih chhung an ding tawh a ni. Chawhrualin Tlabung leh Serhuan inkara service marboat hmang hian ni khatah lirthei 15-20 bawr vel thiar kai \hin a ni a, lirthei phurh kai man chu a len leh tet a zira bithliah niin, 407 pakhat thiar kai man Rs. 1,800 a ni a, 207 chinah Rs. 1,500 zel a ni thunga, tipper phurh kai man Rs. 2,000 a nih bakah JCB kai man Rs. 2,500 a ni bawk.