Vairengte Civil SDO, Pu Isaac Lalrempuia hnen a\anga Zonet thudawn danin, Assam-in kawngpui an siam nia sawi Saihapui V leh Phainuam inrinna Lei thleng chu tun hma a\anga Assam lam chan a ni a, helai thleng hi chuan Assam Sorkar hian nikum lam a\ang khan kawngpui hi a rawn siam\ha \an a, kuminah pawh kawngpui hi siam chhunzawm zel ni mah se, Social media-a thu thehdarh anga Mizoram lam chan thlenga rawn siam anga thusawi erawh thu dik tawk lo a ni. Pu Isac Lalrempuia chuan, Saihapui V leh Phainuam inrinnaah hian tun hma deuh khan Mizoram sorkar chuan Lei a dawh tih sawiin, hemi bul lawkah hian Assam Sorkar chuan Mizoram Lei dawh aia lian zawk Lei hi a rawn dawh ve leh a, hei hi Assam lam chan nia ngaih a nih avangin ngaih huat a ni lem lova, he Lei thleng hi Assam Sorkar chuan a enkawl chhunzawm a, a bak lei piah lam chu Mizoram sorkar-in a enkawl ve thung a, tun hnai deuh khan Vairengte a\anga Phainuam thleng chu Mizoram Sorkar-in kawngpui a siam\ha a, tunah hian Saihapui V leh Phainuam inkar, Buarchep Road pawh siam\hat tura hmalak mek niin, Mizoram chhungah Assam sorkar-in hma rawn la ni se chuan, Report an dawn nghal tur thu leh vawiin thleng chuan hetiang thil thleng hi Mizoram sorkar chuan Report a la dawn loh rih loh thu a sawi.
Saihapui V khawtlang hruaitute pawhin Assam Sorkar hian Saihapui V leh Phainuam inrina Lei thleng Assam Sorkar hian a rawn siam tih Zonet an hrilh a. Hei hi Assam ram chin nia ngaih a nih thu leh a siamtu Contractor-te nen bawh an inbiak pawh reng thu sawiin, kawng hi dan pangngai anga rawn siam ve mai an nih thu an sawi niin an sawi a ni.
