Thenzawl Kanan Venga SDO Civil Conference Hall-ah Thenzawl Task Force Committee hruaitute, VC, YMA leh dan leh thupek kengkawhtu Police-te nen COVID 19 hri leng mek laka Thenzawla hmalak a nih dan an sawi hova, Pu Samuel Zodinsanga chuan, Sorkar-in inkharkhip a puan laia Thenzawla dan leh thupek kenkawh mumal lo nia lang video-a darh chu Sorkar-in a ngai thutak hle tih a sawi a. Thenzawl khawtlang hruaitute pawhin Video darh chu pawi an tih thu leh Janata Curfew leh Mizoram Sorkar-in inkharkhip a puan chu khauh taka kalpui a nih thu an sawi a. Inkharkhip a nih avang hian nitin mamawh lei duhte tan zing dar 7 leh dar 9 inkarah Bazar hun hawn a ni a, hetih chhung hian Thenzawl mipui bakah a chhehvel khua a\anga mamawh lam beisei aia an tam avang hetiang video hi lo darh ta tih sawiin, tun hnuah a thlen tawh loh tur thu te, khauh leh zuala hmalak an tum thu an sawi a ni.
