Tun hnaia Zuangtuia naupang rukbo chhanchhuaktu, Caroline Malsawmtluangi, kum 11 Zuangtui Vengthar chu MHIP General Headquarters-in an chawimawi.

0
386
views

MHIP President, Pi Saipuii chuan, Mizo hmeichhe naupang zinga huaisen vanga chawimawina pek tlak an awm chu MHIP chuan a chhuang hle a ni, a ti a. Caroline Malsawmtluangi’n a chhanchhuah tak Lunglei District khaw pakhata naupang chu rukbo a nih lai khan a mangang hle dawn a, ani bakah hian a chhungte leh an khawtlang pawh an mangang hle a ni a ti a, hetiang a nih mek laia harsatna dang thleng thei pumpelh tura Caroline Malsawmtluangi’n huaisen leh remhre taka a chhanchhuak chu MHIP chuan a chhuang hle a ni, a ti.

MHIP hian Caroline Malsawmtluangi hi chawimawina thuziak leh Rs. 5,000 an hlan a, a kal zelna turah duhsakna an hlan bawk.