Tun kar Zirtawpni thleng awh thur ram pum huap workshop Capacity Building Programme for Teacher Educators in Construction Pedagogy chu vawiin khan Institute of Advanced Study in Education Auditoirium-ah Larsap Pu Kummanam Rajasekharana’n a hawng.

0
229
views

He Workshop hi Institute of Advanced Study in Education (IASE) huaihawt a ni a. Larsap chuan IASE ten zirna lama hmasawnna atana \angkai em em tur workshop an buatsaih chu lawmawm a tih thu a sawi a. IASE chu zirna in \ha leh rintlak tak, hmasawn chak em em a nih thu leh zirlaite pass percentage pawh a sang \hin hle a niin a sawi. Zirna hi kan ram hmasawn nana ban pawimawh tak pakhat a nih thu leh chumi atan chuan zirtirtute an pawimawh hle a ni, a ti bawk. Workshop-ah hian Mizoram chhunga DIET leh MZU zirtirtute an tel dawn a. Mizoram chhunga Teacher Educator ten kawng hrang hranga zirtirna leh zirna lama hma an sawn ngei theih nana ruahman a ni a. School of Education IGNOU Director Prof. Saroj Pandey, NCERT Department of Teacher Education Professor Dr. Madhulika S. Patel leh NCERT Educational Survey Division Consultant Dr. Parul Singh te resource person an ni dawn a, Workshop hawnna inkhawm hi Higher & Technical Education Secretary Pu Ashish Kundra chuan a kaihruai a ni.