He Conference-ah hian Bangladesh sorkar-in Pangkhua, Bawm leh Lushei aiawh atana a ruat, Rangamati District Regional Councillor, Pu Krosremliana chu khuallian a ni a, hetah hian YMA member 150 vel an tel a ni. Tun \um hi Central YMA-in Bangladesh-a YMA intawhkhawma Palai a tirh \um khatna a ni a, Central YMA aiawha kalte hian Conference \anpui nan Rs.10,000/- an pe a, Central YMA palai \awimawmtu Tlabung Branch YMA aiawhte pawn Rs.2,000/- an pe bawk.
Central YMA aiawhte nen an inkawmnaah Bangladesh-a Mizo awm chuan Central YMA a\anga an Conference hmanpuitu an nei chu an lawm hle tih an sawi a. Tun hnu zelah pawh Bangladesh-a Mizo awmte chu ngaihsak chhunzawm zel tur leh hnam khat an nihna leh unau an nihna tinghet zual zel tura \an la turin an ngen a ni.
SaJeck Joint Group YMA hnuaiah hian YMA Branch 10, Laizo, Mahmuam, Chhippui, Lawngkawr, Zotui, Ralau, Bunghmun, Saichal leh Tlangpuite a awm a, heng khuate hi Bangladesh ram chhung veka awm an ni.
