Tun thla ni 8, Pathiannia Georgia tuipuia bungraw phur lawng leta tang South Korea mi 4 te himdam taka chhanchhuah an ni.

0
406
views

He lawng chesuala tang mi 20 te chu US Coast Guard-in an chhanchhuak a, chhanchhuah hna thawh zawh hmaa kangmei a chhuah vangin mi 4 te hi an tang a ni.

He lawng Golden Ray hian motor sang chuang a phur a, Brunswick lawng chawlhhmun a chhuahsan hnu lawka a chesual a ni.

Coast Guard te hian tang an chhanchhuah hnuah lawng let vanga tuipui bawlhhlawh thenfai hna an thawk zui leh a ni.

Coust Guard Captain John Reed chuan kangmei chhuak vanga an chhanchhuak ve hman loh te chuan lawng bang leh chhuat vel an tihrik vangin an tanna hmun an zawn chhuah theih phah tih a sawi a, lawng tikaltu propeller bulah mi pathum an tang a, chhanchhuah hna thawh chak a har vangin an ei leh in tur pek nan bang verh hmasak a ni a, tang dang pakhat chu control room-ah darthlalang phenah a tan avangin eitur pek theih a ni ve lova, amaherawhchu, him takin an chhanchhuak thei tih a sawi.