Tunhnai lawkah Mizo tlangval pakhat ruang Chennai atanga Mizoram phurh thlen a nih hnuin Bethlehem Veng tlangval pakhat, R. Zonunsiama chu Hyderabad-ah a boral ve leh a, a ruang hi Aizawl panpui turin vawiin khan motor hmang bawka rawn phurh chhuah a ni a, Km. 3000 deuh thaw an rawn tlan ang.

0
382
views

Kum 19 mi, R. Zonunsiama hian 2019 kumtir atang khan Hotel Management a zir a, Hyderabad-ah hian 2019 May thla khan hnathawk turin a kal a, kum khat vel chiah a la awm hman a, a kal hnu hian a la rawn haw leh lo a ni. Thla hlui khan Chuap-a tui tling leh Chuap TB a ni tih hmuhchhuah a ni a, nimin chawhnu dar 2:10 khan a boral a ni.

A ruang hi vawiin chawhnu dar 1:40 khan Hyderabad atangin Mizoram pana chhuahpui a ni a, Hotel-a a thawhpui mipa pakhat leh hmeichhia pahnihin an rawn zui a, Km. 2900 vel Ambulance in an rawn tlan dawn a, tluang taka an tlan chuan Thawhlehni velah Aizawl an rawn thlen theih beisei a ni. Hyderabad Mizo Association ten a ruang thawn leh tul dangte an buaipui a ni.