Tunhnai New Mexico hmun pakhata naupang thenkhat hrengtu Police ten an man tak chuan naupangte hi nakina an zirlaipuite pawng kah tir tumin an zirtir tih thubuai siamsaktuten an sawi.

0
506
views

 

Siraj Ibn Wahhaj kum 40 mi hi midang pali nen Zirtawpni kalta khan thlaler hmun pakhat Amalia an tih a\anga man a ni a, naupang tih nawmnah thubuai 11 awrhtir a ni a, naupang 11 kum 1 leh kum 15 inkar mi vek te chu he thlaler hmun pakhatah hian hrehawm taka hren an ni a, he hmunah hian tui leh electrict supply a awm loh bakah eitur mumal pawh a awm lo a ni.

Wahhaj hi helai hmuna naupang pakhat ruang hmuh chhuah thih chhanah pawh inhnamhnawiha puh a ni bawk a, thubuai siamsaktute chuan Wahhaj hian heng naupangte hi puakrang silai hman dan a zirtir a, nakinah school-a an zirlaipuite pawng kah tir chiam tumin a zirtir niin an sawi. Zirtawpni kaltaa man te zingah hian naupangte hringtu nu nia hriat hmeichhe pathum pawh an tel a, anni pawh hi naupang tih nawmnah thubuai awrhtir vek an ni bawk.