Tunhnaia Agriculture Minister hlui, Pu R. Lalzirliana’n NLUP atana sum sem tur a awm tawh lo anga a sawi chu thu dik lo niin Agriculture Minister, Pu KS Thanga’n a sawi.

0
252
views

 

Vawiina thuthar thehdarhtute a kawmnaah Pu KS Thanga chuan Congress-in thuneihna NLUP chu kalpui a ni dawn niin a sawi a, tunah hian Mizoram Assembly inthlanpui neih tur vangin sem chhunzawm theih a ni lova, inthlanpuiah hian an party-in hnehna a chang a nih chuan nakkum January thla a\angin sem chhunzawm lehnghal dawn niin a sawi. Pu KS Thanga chuan, kum 2009-a NLUP kal \anpui a nih a\anga kumin October ni 18 thleng khan NLUP \anpuina hi chhungkaw 1,67,235 hnenah pek a ni tawh nia sawiin tun hnaia Pi Vanramchhuangi’n Gauhati High Court, Aizawl Bench-a NLUP a khinna chu September ni 26 khan Court-in a ngaihtuah a, a tuk ni 27-ah thutlukna tichhuakin a khinna chu hnawl a nih thu High Court chuan a puang niin a sawi a ni.

Pu KS Thanga chuan, NLUP hmang hian ei leh bara intodelh tura \anlaknaah nasa taka hnathawh a nih thu leh buh leh bal tharchhuah pawh a kum tela a pun thu a sawi a, hei mai hi ni lovin agriculture link road engemawzat laih tawh niin a sawi bawk.