Tunhnaia CBI hotute eirukna thila inhnamhnawihna an nei nia sawi chungchang a rang lama chhui chiang tura ngenna Supreme Court-in a ngaihtuah.

0
622
views

 

Chief Justice Ranjan Gogoi-a kaihhruai bench chuan ukil Prashant Bhushan-a’n NGO Common Cause hminga a thehluh PIL chu kimchang zawka thehlut \ha leh turin a ti a, PIL hi a rang lama ngaihtuah dan an ngaihtuah sak tur thu a hrilh bawk a ni. Common Cause hian PIL-ah hian CBI hotu lian pahnih, Alok Verma leh Rakesh Asthana te bakah thuneitute eng emaw zat eiruk thilah an inhnamhnawih niin a sawi a, hemi chhui chiang tur hian Supreme Court enkawl Special Investigation Team din turin a dil a ni.

Puan tawh angin CBI Director Alok Verma chu a hnuai chiah ami, Rakesh Asthana nen tunhnai hian thamna laah an inpuh tawn a, an pahnih hian sorkar laipui chuan chawlh a lak tir ve ve a, hei hi Alok Verma chuan sut leh turin Supreme Court-ah dilna a thehlut a, zirtawpni hian ngaihtuah a ni ang.