Mizoram Inspector General of Police, Law & Order changtu Pu LH Shanliana’n ZONET corr. a hrilh danin, heng mi 8 te hi Vairengteah tun thla ni 23 khan ILP an neih loh vangin man an ni a, a tirah Rohingya an ni tih hriat an ni lo a, thu an zawhchian hnuah an nihna hi hriat a ni a, Malaysia-a kal tum an nih thu an sawi a ni. Pu LH Shanliana chuan, heng mite hi dan anga an chungthu ngaihtuah a nih tur thu a sawi a, tih fel ngai te tih zawh a nih hunah Assam-a Foreigner detention Center-a dah turin thawn an ni dawn tih a sawi a, tunah chuan Vairengte Police kutah an awm mek tih a sawi.
ZONET zawhna chhangin Pu LH Shanliana chuan thenawm ram Myanmar nena inrina lai velah ISIS in kulh tum anga Social media-a thuthang awm chu an hriat loh thu sawiin reoprt dawn pawh an la neih loh thu a sawi a, he thilah hian ramriah Police emaw sipai emaw dahbelh an neih loh thu a sawi.
