Tunhnaia Saudi journalist, a chin hriat loha awm, Jamal Khashoggi chu Turkey khawpui Istanbul-a Saudi Consulate-ah a thi ngei tih Saudi Arabia sorkar-in a sawi.

0
457
views

 

Puan tawh angin Khashoggi hi chanchinbumi hriat hlawh tak, Saudi ram sorkar kalphung sawisel \hintu a ni a, nikum lam khan US ah lutin Wahington Post ah thu a ziak \hin a ni a, tun thla ni 2 khan Saudi Consulate-ah hian a nupui neihna tur lehkha pawimawh chingfel turin a kal a, Consulate a\ang hian a lo chhuah leh tak loh avangin a nupui hual, Hatice Cengiz chuan thuneitute a pan ta a ni. Khashoggi chungchang hian ngaihven a hlawh hle a, Turkey chuan Consulate chhungah hian thah a nih an ring nghet hle a, a that tur hian mi 15 lai Turkey-ah hian an chah lut niin an sawi bawk a ni.

Khashoggi chin hi an hriat bik loh thu Saudi Arabia chuan vawi tam tak a sawi hman a, mahse nimin lamah khan Consulate chhunga buaina chhuakah thah a nih thu a sawi ta a ni. He thil thleng vang hian an officer pawimawh mi 5 ban an nih bakah midang 18 man an ni bawk tih Saudi Arabia sorkar hian a sawi bawk a ni.

Turkey chuan tun kar khan Khashoggi hi Saudi Consulate chhungah hian thu zawh fiah a nih hnuah thah a ni tih a lo sawi tawh a, thah a nih hnu hian a taksa hmun hrang hrangah tan bungin, an ram pawn lam pan pui a ni tih a lo sawi tawh bawk a, US pawhin hemi nemnghehna hi Turkey hian a neih ngei thu a lo sawi ve tawh bawk a ni.