Serchhip District Agriculture Department hotute sawidanin Serchhip District chhunga khaw 23-a chhungkaw 420 te Vaimim hmun, Hectares 112-a zau chu Fall Armyworm hian a khawih tawh a, pangang thahna tur hian hlo mamawhte loneitute hnenah pek chhuah chhoh mek a ni a, Serchhip DAO Pu C. Lalnithanga chuan tunah hian Vaimim chu a thar ala hun loh avang leh a chin hun ala nih mek avangin pangang puang vanga an vaimim chan tur loneitute hnenah vaimim chi an pe chhuak thei tih a sawi a, pangang beihna tur damdawi pawh lak theihin an kawl reng tih a sawi.
2016-2017 chhung khan Serchhip District chhunga ram Hactare 1600-a zau ah Vaimim hi chin a ni a, Metric Ton 2000 vel tharchhuah a ni a, kum 2017-2018 ah Hactare 1560-a zau ah chingin Metric Ton 1918 thar leh a ni bawk.
