Turkey President in Istanbul Saudi Consulate-a chanchinbumi Jamal Khashoggi thah thuah thudik puan chhuah a tum thu a sawi.

0
452
views

 

He tualthahna chungchanga Saudi Arabia na taka demtu Recep Tayyip Erdogan hian AK party mite hmaa thu a sawi turah Jamal Khasoggi thah anih dan hi sawi chhuah a tum tih a sawi a, Turkey official te chuan Khasoggi hi October ni 2 khan Istanbul-a Saudi Consulate ah hian thah a ni ngei tih finfiahna an nei tawh tih an sawi. Thla khat deuh thaw thu inchuh tawn a nih hnuah Saudi Arabia hian Khashoggi hi thil kalsual palh vanga thah a ni tih a lo pawm tawh a, he tualthihna avang hian Saudi Arabia-a khawvel pum huap sumdawng liante intawhkhawmna neih tur chu ram tam takin an \hulh phah a ni.

Washington Post-a thu ziak \hin, Saudi rama mipui rorelna din duhtu leh Sauri Arabia ram sorkar sawiseltu langsar tak Khashoggi thah a ni hi klhawvel ram hruaitu tam takin dem thu anlo puang chhuak tawh a, he thihna thlen dan kimchang taka chhui chhuah an phut hlawm a ni. US President Donald Trump-a chuan he thihna thleng hi ruahman anga thil a kal tluan loh vang ni theia a ngaih thu a sawi a, khawvel ram dangten na taka an dem mek laiin US Treasury Secretary Steven Mnuchin chuan Sauti ram lam hi nimin khan Riyadh ah a kawm bawk.

Turkey ram official te sawi danin Khashoggi a’n Istanbul-a Saudi Consulate a luh hnu lawk hian amah thattu mi 15 te chuan Turkey hi an thleng ve nghal a, ruh zaisawmna khawlin a taksa chu an zai sawm vek niin an sawi. Turkey ram police te chuan Saudi Consulate bakah a chhehvel ramhnuaite pawh uluk takin an dap tawh a, CNN chuan Khashoggi-a thattu nia hriatten Saudi Consulate an chhuahsan lai leh an zinga pakhat, Khashoggi lema inchei-a hmuihmul leh vuah leh a thawmhnaw inbelin consulate a chhuahsan lai video thlalak nia sawi chu a ti chhuak bawk.