Turkey President Recep Tayyip Erdogan-a’n Istanbul tualchhung inthlannaah thil dik lo a awm ngei tih hmuh chhuah a ni a ti a, inthlan buaipuitu lam chuan inthlanna hi neih \hat turin thupek an siam a ni.

0
238
views

Inthlannaah hian dik lo taka thil tih leh dan kalha thil tih a awm ngei niin President hian a sawi a, thla hluia inthlanna neihah khan eptu pawlten hnehna an chang a, inthlanna buatsaih \ha leh tura sorkar thutlukna hian dodal a hlawh nasa nghal hle a ni.

Eptu pawl CHP in Mayor atana an vawrh chhuah candidate chuan sorkar thutlukna chu vervek thil tih a ni a ti a, European Parliament pawhin June ni 23-a inthlanna nei \ha leh tura ruahmanna siam a ni chu Turkey-a mipui rorelna Democracy chunga mipuite rinna tih chhiatna tur a ni an a ti.

AK party intawhkhawmnaah President Erdogan hian thu sawiin, inthlanna buatsaih \hat leh mai chu an ram tana thil \ha ber a ni a ti a, inthlanna hmasaah dik lo taka thil tih leh dan bawhchhiatna a awm avangin, inthlan\hat chu democracy humhimna tur a ni a ti.