UD&PA hnuaia SIPMIU-in Aizawl khawpui chawm tura Tlawng lui a\anga tui lak hna a thawh mek chuan chak takin hma sawn zel.

0
328
views

He tui lak hian kum 2033 thlenga Aizawl khawpuia cheng mi 3,39,000 vel a chawm thei dawn a ni. He tui lak hnathawh mek hi vawiin khan Congress |halai, Mizoram Pradesh Youth Congress Committee chuan an President, Dr. Lalmalsawma Nghaka hovin an tlawh a, hnathawh dan an en a ni. He tui pump-na hian tlawng lui a\angin Tanhril khaw ram chhunga Mualkhang kaltlangin Aizawl khawpuia tuizem lianah tui a pump lut dawn a, SIPMIU Project Director, Pu Valbuanga sawi danin he project hian ni khatah tui liter maktaduai 54.46 a pump thei dawn a ni. Pu Valbuanga chuan Greater Aizawl Water Supply Scheme Phase I leh Phase II a\anga Aizawl khawpuia chengte tui mamawh pek hian tun dinhmunah mipuite mamawh a phuhruk phak lohna chu ni khatah liter maktaduai 20 vel a tling tawh a, hemi avang hian Greater Aizawl Water Supply Augmentation Phase III Project hmang hian tui tam zawk hmuh belh a ni dawn a, he project hi tihpuitlin a nih hun chuan Aizawl mipuiin tui an dawn theih zat chu chawhrualin ni khatah liter 135 vel a tling thei tawh dawn niin a sawi a ni. Augmentation of Water Supply & Construction of 37 MLD Water Treatment Plant, Greater Aizawl Water Supply Scheme Phase-III tia hriat siamna tur lung hi kumin March ni 17 khan UD&PA Minister, Pu Zodintluang’an a phum a ni.