Hengte hi building 5 chhawng khat chi, chhungkaw 74 awm theihna a ni a, hengte bakah hian Community Center, Health Center leh Anganwadi Center te pawh a awm tel a ni. Heng in te hi mi rethei, sum thawk chhuak tlem zawkten luah man tlawm zawka an luah tura ruahman a ni a, hengte hi a \hat leh \hat loh enchhina Pilot Project a\anga sak a ni.
Hawnna thu sawiin Pu Zodintluanga chuan UD&PA hnuaia sorkarin hmasawnna hna lian tham tak tak a thawhte a tarlang bawk. Tunah hian BSUP hnuaiah Durtlang, Rangvamual leh Lawipuah te mi khawsak harsa zawk, chhungkaw 1,026 tan chenna in sakte chu luah tawh a nih thu te, Edenthar Vengah pawh BSUP hnuaiah tho mi khawsak harsa zawkte tan chenna in tur sak zawh tawh a ni a, heng te hi hawn theih \ep niin a sawi a ni. Sports lama tun hnaia thil chhinchhiah tlak Mizoramin a neih chu Asian Games-a silver medal India hmeichhe team-in a a laknaa Mizo nula Lalremsiami chhuanawm zia sawilangin sorkarin sum a pek \hin piah lamah cheng nuai 10 pek belh tum a nih thu te a sawi bawk.
He inkhawma khualzahawm Deputy Speaker, Pu R. Lalrinawma, bialtu MLA ni bawk chuan heng in te hi mi khawsak harsa zawkte tan malsawmna thlentu niin a sawi a, Falkland Vengah RAY hnuaia Pilot Project siam a ni chu lawmawm a tih thu a sawi bawk. Heng in sak nan hian cheng vbc 6 leh nuai 22 sen a ni.
