UGC-in zirtirtu hna lak dan thlak danglam rawt, Ministry of Human Recources-in pawm

0
565
views

Univerty Grants Commission-in zirtirtu hna, hnam hnuaihnung leh tlem zawkte tana dah hran thin thlak danglam a rawtna, Ministry of Human Resources-in a pawm. UGC rawtna ang chuan, University-a hnaruak awm zawng zawng atanga Scheduled Tribe leh hnam hnuaihnung dangte tana dah thin chu, department-te te-a chhut a ni tawh dawn a, department pakhata hnaruak awm zat atang zelin, hnam hnuaihnung zawkte tana hauhsak tur zat hi chhut a ni tawh ang. The Indian Express chuan hei hian University zirtirtu zinga Scheduled Caste leh Scheduled Tribe leh Other Backward Classes awm thin zat a ti tlem dawn niin a sawi a, University pakhat-a hna awm zawng zawng atang ni lo a, department bil te te atanga chhut a nih tawh dawn avangin, SC, ST leh OBC-te tana hna hauhsak theihna remchang a tlem sawt dawn tih a sawi bawk. Hemi chungchangah hian thuneitute pawhin Department pakhata hna ruak pakhat lek awm angah te chuan hnam hnuaihnungte duhsak theih an ni dawn lo tih an sawi ve bawk a ni.