UK Conservative party hruaitu nih tum, Tory leadership candidate Michael Gove-a’n kum 20 liamta-a ruihhlo chikhat cocaine a lo tih ve \hin chu a inchhir thu a sawi.

0
184
views

Daily Mail-in a interview-naah he thu hi sawiin, chanchinbumi a nih laiin intihhlimna hun tam takah cocaine hi a lo hman ve \hin thu a sawi a, Environment Secretary ni mek Michael Gove hian cocaine a lo hman ve tawh \hin chu tunhma lam thil anih avangin hei hi amah beih nana hman a nih loh a beisei tih a sawi. Theresa May-i a ban hnuah Conservative member te hian an hruaitu tur an thlan chhuah thuai a \ul dawn a, Gove-a hi 2015-2016 khan secretary hna lo chelh tawh a ni a, Theresa May-i thlaktu nih tum MP rual 11 zinga pakhat a ni.

May-i hi Conservative party hruaitu a\angin nimin khan a inhnukdawk a, amah thlaktu thlan anih hma chuan Prime Minister hna a la chelh chhunzawm dawn a, hruaitu ni tura chuh tur hian MP pariat talin an thlawp a ngai a, candidate zinga an duh ber thlangin MP te hian tun thla ni 13, 18, 19 leh 20 ah te khian vote an thlak ang a, a sang zual pahnih te chu party chhunga mi tam zawkin vote hmang bawkin an khaikhin leh ang a, hapta 4 vel chhungin hruaitu thar tur hi thlan chhuah theih beisei a ni.