Climate Emergency puan chungchanga vote lak a nih hnuah Britain Parliament hi sik leh sa inthlak chak lutuk laka hma la turin an in buatsaih a, eptu pawl Labour Party chuan an nawrna vanga Climate Emergency puang hmasa ber an nih thu an sawi a, a taka hma lak a nih ngei theih nan sorkar chuan hna a thawh an beisei tih an sawi.
Pawl pakhat, Extinction Rebellion-in ni 11 chhung lungawi lohna an lantir hnuah vote hi lak a ni a, Labour party hotu Jeremy Corbyn chuan an hmalakna zui hian khawvel ramdang parliament leh sorkar te pawhin khawvel sik leh sa dinhmun danglam chak lutuk vang hian hma an lak ve ngei a beisei tih a sawi.
