Boris Johnson chuan October thla tawp emaw, a hmalamah emaw European Union chhuahsan turin an vaiin an inhlan tawh a, sela tih leh mahse tih a awm tawh tur a ni lo tih Cabinet Minister te hrilhin UK tana \ha ber tur ngaihtuah a nih dawn avangin October ni 31 thleng an nghak dawn lo va, mipuite ngaih pawimawh hmasak anih avangin tih hlawhtlin hmasakah hman a ngai a ni a ti. Minister thar te nena inkawmna hun \ha an nei chu ropui a tih thu sawiin, party dangte ang lo takin an party chu party khawihawi zau tak leh ril tak a nih thu a sawi bawk.
Cabinet Minister thar atan ruat, Sajid Javid chu chancellor a ni ang a, Dominic Raab chu Foreign Secretary atan ruat a ni a, Priti Patel te chu Home Secretary atan ruat a ni bawk.
Boris Johnson hian Nilaini khan Queen Elizabeth-i a hmuh zawhah Prime Minister office a luah a, Theresa May a thlak a ni.
Boris-a’n Downing Street-a a office thar a luah dawn hian a bialnu Carrie Symonds pawh a tel a, Boris chu luhpui lovin Conservative Party-a a thawhpuite bulah a kal ve a ni.
Kum 55 mi, Boris Johnson hi a nupui Marina Wheeler nen nikum September thla khan an in\hen a, fa pali an nei a ni.
