UK Prime Minister, Theresa May-i thlak turin Boris Johnson thlantlin a ni a, naktuk, Nilainiah Office a luah \an nghal ang.

0
456
views

Boris Johnson hian British-in European Union a chhuahsannaah hma a hruai dawn tih a lo tiam tawh a ni. Conservative party-a vote awm zawng zawng 92,153-ah vote 46,656 Boris hian a hmu a, Jeremy Hunt chu a tling zo ta lo a ni.

Theresa May chuan Nilainiah Buckingham Palace-a Queen Elizabeth-i a hmuh zawhah a office chu a chhuahsan dawn a ni.

Hemi hmalam hian Boris Johnson-a chak mai theia a lan avangin Foreign Minister, Sir Alan Duncan chu a bang a, Chancellor Philip Hammod leh Justice Secretary David Gauke te pawhin Johnson-a hi prime minister anih chuan ban an tum thu an sawi bawk. Johnson-a hian UK-in October ni 31 hmain EU a chhuahsan tur a ni a ti a, Jeremy Hunt erawh chuan EU hi chhuahsan turin a \ul a nih chuan la nghah rih hret a duh thu a sawi thung. EU chuan Theresa May-i hunlaia inremna an duan chin bak tawlh a tum loh thu a lo sawi chiang tawh a ni.