UK Prime Minister Theresa May-i’n thlawptu a ngah tawk em tih fiahna a paltlang a ngai dawn.

0
355
views

10 Downing Street kawta chanchinbumite a kawmnaah May-i hian amah fiahna paltlang tur hian theihtawp a chhuah dawn tih a sawi a, Britain in EU a chhuahsanna tura ruahmanna Brexit chu vote lakna tur chhan ber a ni a, May-i chuan hruaitu thlak ringawt chuan Brexit chungchanga ram dangte nena inbiakna kallai a thlak danglam dawn lo a, mahni leh mahni intihchhiatna mai tur zawk a ni a ti. Amah rintawk lohna motion pulutu minister hlui Owen Paterson chuan May-i chu ama ruahmanna chauh kaltlangpui tumah a puh a, hei hi House of Common ah a tlangpui zo dawn chuang lo a ni a ti.

Kum 2016-a UK in European Union chhuahsan a relthluk hnuah May-i hi Prime Minister ah lakluh a ni a, Brexit ruahmanna a siam danah sawisel a tawk nasa hle. May-i hian amah rintawk lohna motion hi a paltlang anih chuan kum khat chhung chu motion putluh nawn theih a ni dawn lo a, a paltlang lo anih erawh chuan conservative party hruaitu thlanna neih a ni ang a, May-i erawh chuan a chuh nawn thei dawn lo a ni. May-i hian fiahna paltlang mahse, amah thlawptu an chhiat viau chuan hruaitu ber a nihna a\angin a inhnuhdawh a rinawm a ni.